70 жылдык белгиленди

Билим  берүү  жана  илим   кызматкерлеринин кесиптик бирлигинин Жалал-Абад областтык  комитети  менен Жалал-Абад областтык билим  берүүнүн  Усулдук Борборунун  жамааттары  үчүн  тарыхый-майрамдык  күн  болду.    Жалал-Абад  областынынын  билим  берүү  тармагын  түзүүчүлөрүнүн бири  жана областтык билим берүү  башкармалыгында, областтык  усулдук  борбордо жана билим  берүү  жана  илим   кызматкерлеринин кесиптик бирлигинин Жалал-Абад областтык  комитетинде  1991-жылдан бери үзүрлүү  эмгектенип  келе  жаткан Анарбай  Турдубаевич  Бегматовтун  70  жылдык  юбилейи белгиленди.

Областтык жетекчилер  тарабынан куттуктоо  баракчалары менен  билим  берүү  жана  илим   кызматкерлеринин кесиптик бирлигинин Жалал-Абад областтык  комитетинин  жогорку  сыйлыгы “Областтык  кесиптик  бирликтин  мыктысы”  төш  белгиси тапшырылып,  жакшы каалоо-тилектер   айтылды. 

А.Т. Бегматов областтын  жетекчилери-обкомдун   төрагасы М.Примкулов менен   Усулдук  борбордун директору А.Токтосунов  жана катышуучуларга кызуу куттуктоолору,  белектери үчүн  ыраазычылыгын  билдирди.

Жалал-Абад областынын  райондук,   шаардык комитеттеринин,  баштапкы  кесиптик  уюмдарынын  төрагалары жана областтык комитеттин жамаатынын  атынан Бегматов Анарбай Турдубаевичтин   70  жылдык юбилейи менен  куттуктайбыз! 

Маалыматты  даярдаган: А.Айдаров, кесиптик бирликтин Жалал-Абад  областтык  комитетинин  инспектору