“Профсоюздук дисконттук карточка” боюнча маалымат

Кесиптештер, өзүнүздөргө маалым болгондой учурда Кыргызстан кесиптик бирликтер федерациясы (ККБФ- ФПСК) тарабынан "Профсоюздук дисконттук карточка" иштелип чыгып кесиптик бирлик мүчөлөрү үчүн  карточкаларды даярдоо аракеттери кызуу  жүрүүдө.

Профсоюздук дисконттук карта - бул жеке, конкреттүү профсоюз мүчөсүнө берилген универсалдуу дисконттук карта болуп саналат.

Бул карта профсоюздук өнөктөштөрдүн кызмат көрсөтүүлөрүнө арзандатуу алууга мүмкүнчүлүк берет.

Белгилей кетсек профсоюздук өнөктөштөр тизмесине республика боюнча белгилүү медициналык уюмдар (мисалы Бонецкий лабораториясы), ден соолукка кам көрүү кызматтары ж.б камтылган (өнөктөштөрдүн тизмесин төмөндөгү тиркемеде караныз).  

Буга байланыштуу ар бир тармактык кесиптик бирлик өз мүчөлөрүнө түшүндүрүү иштерин жүргүзүү менен атайын «Билдирме» (Заявка) таратууда.  Төмөндөгү шилтемени басуу менен сиздер билдирмени толтурууга мүмкүнчүлүк аласыздар (https://docs.google.com/forms/d/1yl-LN4Eqs66B1qOGbjieO63QbJZ4Pm2lUs92nskyf0Q/viewform?edit_requested=true).

Билдирме онлайн түрүндө кабыл алынат жана 1000 (мин) даана топтолгондон баштап карточкалар буйрутма менен   даярдалып басып чыгарылат.

Кесиптик бирлик мүчөсү  дисконттук карточка даяр болгон сон аны бир жолку төлөмдү төлөө менен (болжол менен 70-100 сомдун тегереги) күнүмдүк турмушунда колдонуу мүмкүнчүлүгүнө ээ болот.

Учурда ар бир райондук/шаардык кесиптик бирлик комитеттери тарабынан түшүндүрүү иштери жүргүзүлүүдө жана бул боюнча толук маалымат берүү максатында ККБФ (ФПСК) тарабынан кыргыз жана орус тилдеринде видео роликтер иштелип чыгарылган. Сиздер бул https://www.instagram.com/reel/C_foLnjIwJx/?igsh=NjZiM2M3MzIxNA==  шилтемени колдонуу менен аталган видео материалдар менен тааныша аласыздар.

Бүгүнкү күнү билим берүү кызматкерлери тарабынан 500го чукул билдирме кабыл алынды жана Борбордук комитеттин  Кыргызстан кесиптик бирликтер федерациясы тарабынан карточкалардын даярдалышын күтүп жаткан учуру.

Ошондуктан жакынкы арада КР Билим жана илим кызматкерлеринин кесиптик бирлигинин борбордук комитети алгачкы чыгарылган профсоюздук дисконттук карточкалар жөнүндө толук маалымат менен бөлүшмөкчү.

Google формасын толтурууда "Профсоюздук арзандатуу" корпоративдик тобуна кирүү үчүн  төмөнкү кадамдарды аткарыңыз:

Дисконттук карталарды колдонуу менен түзүлгөн келишимдердин тизмеси: