ОшМУнун кызматкерлери жайкы эс алууда

ОшМУнун ректору, профессор К.Г.Кожобековдун демилгеси менен 2023-жылдын 23-июлунанан 28-июлуна чейин 60 кызматкер Ысык-Көл областынын Кара-Ой айылындагы "Телтору" пансионатында эс алууда болушту. Эс алып жаткан кызматкерлер менен ОшМУнун кесиптик бирлик комитетинин төрагасы А. Саттаровдун жолушуусу уюштурулду.

Андан кийин 28-июлдан 31-июлга чейин Чок-Тал айылындагы "Дельфин" пансионатына 120 кызматкер эс алууга барышты. Эс алууга барган кызматкерлерге Назарбаев университетинин профессору Д.А.Шаматов тарабынан даярдалган:

ЖОЖДОР САПАТЫ;

АКАДЕМИЯЛЫК ПРОГРАММАЛАР;

НАЗАРБАЕВ УНИВЕРСИТЕТИНИН МИСАЛЫНДА СИЛЛАБУС ЖАЗУУ,

БААЛОО, 

АКАДЕМИЯЛЫК ЧЫНЧЫЛДЫК,

ИЗИЛДӨӨНҮ ОКУТУУ деген аталыштагы тренинг өткөрүлдү.

Тренингде аталган темалар боюнча кеңири маалыматтар берилип, бир катар суроо-жооп, сунуш-пикирлер менен коштолду. Тренингдин соңунда, эс алуучулардын атынан ОшМУнун ректору, профессор К.Г.Кожобеков Назарбаев университетинин профессору Д.А.Шаматовго жана ОшМУнун кесиптик бирлик комитетине ыраазычылыгын билдирди.

Маалыматты даярдаган: ОшМУнун кесиптик бирлик комитети