КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ Бишкек шаары, 2013-жылдын 30-майы N 302

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

Бишкек шаары, 2013-жылдын 30-майы N 302

Айыл аймактарынын жана шаарлардын жергиликтүү бюджеттеринен каржылануучу билим берүү уюмдарын Кыргыз Республикасынын Билим берүү жана илим министрлигинин аймактык бөлүмдөрү аркылуу республикалык бюджеттен каржылоого которуу жөнүндө

"Билим берүү жөнүндө" Кыргыз Республикасынын Мыйзамынын 43 жана 44-беренелерине ылайык, жалпы билим берүү уюмдарын бюджеттик каржылоонун стандарттарынын негизинде билим берүү секторунда мамлекеттик чыгымдарды башкаруу тутумун андан ары өркүндөтүү жана финансылык ресурстарды натыйжалуу пайдаланууну камсыздоо максатында Кыргыз Республикасынын Өкмөтү токтом кылат:

1. Бишкек шаарынын билим берүү уюмдарын кошпогондо, айыл аймактарынын жана шаарлардын жергиликтүү бюджеттеринен каржылануучу мамлекеттик билим берүү уюмдарынын окуу жана тарбия процесстерин камсыздоого чыгымдарды каржылоо 2013-жылдын 1-августунан тартып Кыргыз Республикасынын Билим берүү жана илим министрлигинин райондук жана шаардык бөлүмдөрүнүн (башкармалыктарынын) борбордоштурулган бухгалтериялары аркылуу республикалык бюджеттен каржылоого которулсун.

2. Төмөнкү тиркелгендер бекитилсин:

- Райондук (шаардык) билим берүү бөлүмүнүн (башкармалыгынын) борбордоштурулган бухгалтерияларынын типтүү штаттары;

- Кыргыз Республикасынын билим берүү уюмдарынын чыгымдарын түзүү жана аткаруу тартиби;

- Кыргыз Республикасынын жалпы билим берүүчү уюмдарын бюджеттик каржылоо стандарттарын аныктоо методикасы;

- 2013-жылдын шарттарында Кыргыз Республикасынын жалпы билим берүүчү уюмдарын бюджеттик каржылоо стандарттарынын шкаласы (коммуналдык чыгымдарсыз),

- Ченемдик каржылоонун механизми жайылтылбаган Кыргыз Республикасынын жалпы билим берүүчү уюмдарынын тизмеги.

3. Кыргыз Республикасынын Өкмөтүнүн 2011-жылдын 5-августундагы N 451 "Кыргыз Республикасынын жергиликтүү өз алдынча башкаруусунун аткаруу органынын типтүү түзүмүн жана штаттык санын бекитүү жөнүндө" токтомуна төмөнкү өзгөртүүлөр киргизилсин:

- жогоруда аталган токтом менен бекитилген Айыл өкмөтүнүн типтүү түзүмү жана штаттык санында:

"Башкы адис - эсеп бухгалтери" позициясы күчүн жоготту деп табылсын;

төмөнкү позицияларда:

"Жыйынтыгы" позициясындагы "16", "19", "21" цифралары тиешелүү түрдө "15", "18", "20" цифраларына алмаштырылсын;

"Бардыгы" позициясындагы "18", "22", "25" цифралары тиешелүү түрдө "17", "21", "24" цифраларына алмаштырылсын.

4. Кыргыз Республикасынын Өкмөтүнүн 2011-жылдын 22-августундагы N 473 "Кыргыз Республикасынын министрликтеринин, администрациялык ведомстволорунун жана башка мамлекеттик органдарынын штаттык санынын чеги жөнүндө" токтомуна төмөнкү өзгөртүү киргизилсин:

жогоруда аталган токтомдун 1-тиркемесинин 10-пунктундагы "352" жана "67" цифралары тиешелүү түрдө "362" жана "77" цифраларына алмаштырылсын.

5. Кыргыз Республикасынын Өкмөтүнүн 2011-жылдын 20-сентябрындагы N 563 "Кыргыз Республикасынын жалпы билим берүү уюмдарын каржылоонун жан башына принцибине которуу жөнүндө" токтомуна төмөнкү өзгөртүүлөр киргизилсин:

аталышында жана бүткүл текст боюнча "жан башына" деген сөздөр тиешелүү жөндөмөдө "ченемдик" деген сөзгө алмаштырылсын;

- 1-пунктунда:

1-пунктунун экинчи жана үчүнчү абзацтары күчүн жоготту деп табылсын;

1-пунктунун төртүнчү жана бешинчи абзацтары 2013-жылдын 1-августунан тартып күчүн жоготту деп табылсын;

- 5-пункту күчүн жоготту деп табылсын;

- жогоруда аталган токтом менен бекитилген Жалпы билим берүүчү уюмдарда кошумча билим берүү кызматтары жөнүндө жободо:

бүткүл текст боюнча "жан башына" деген сөздөр тиешелүү жөндөмөдө "ченемдик" деген сөзгө алмаштырылсын;

- жогоруда аталган токтом менен бекитилген Ош, Жалал-Абад, Нарын жана Талас облустарынын, Бишкек жана Ош шаарларынын жалпы билим берүүчү уюмдарын бюджеттик каржылоонун жан башына принцибине которуу графигинде:

аталышында "жан башына" деген сөздөр "ченемдик" деген сөзгө алмаштырылсын;

3 жана 4-пункттарындагы "2012" цифралары "2013" цифраларына алмаштырылсын.

6. Төмөнкүлөр белгиленсин:

- билим берүү чыгымдарын каржылоону республикалык бюджетке которууда жергиликтүү өз алдынча башкаруу органдарына муниципалдык менчикте турган имараттарды кармоо боюнча билим берүү уюмдарынын чыгымдарын каржылоо функциялары сакталаары;

- ушул токтомдун 2-пункту менен бекитилген Кыргыз Республикасынын билим берүү уюмдарынын чыгымдарын түзүүнүн жана аткаруунун тартиби 2013-жылдын 1-августунан тартып күчүнө кирээри;

- Кыргыз Республикасынын Өкмөтүнүн 2012-жылдын 23-мартындагы N 202 "Кыргыз Республикасынын жалпы билим берүүчү уюмдарында окуу жүктөмүн этабы менен кыскартуу жөнүндө" токтомуна ылайык окуу пландарын оптималдаштыруунун натыйжасында бошотулуучу каражаттар алынып коюлбастыгы жана иштин натыйжалуулугу жана сапаты, ошондой эле мектепке чейинки билим берүү уюмдарына келбеген балдарды мектепке даярдоону уюштуруу үчүн мектеп кызматкерлерине материалдык дем берүүгө жумшалаары;

- жалпы билим берүү уюмдарын бюджеттик каржылоонун стандарттарынын шкаласын кийинки жылдарга кабыл алууга чейин ушул токтомдун 2-пункту менен бекитилген жалпы билим берүү уюмдарын бюджеттик каржылоонун стандарттарынын шкаласы колдонулаары;

- ушул токтомдун 2-пункту менен бекитилген Ченемдик каржылоонун механизми жайылтылбаган жалпы билим берүү уюмдарынын тизмеги Ош, Жалал-Абад, Нарын жана Талас облустарынын жалпы билим берүү уюмдарын бюджеттик каржылоонун ченемдик принцибине которууга жараша толукталаары;

- Кыргыз Республикасынын Билим берүү жана илим министрлигинин борбордук аппаратына жана райондук (шаардык) билим берүү бөлүмдөрүнүн (башкармалыктарынын) борбордоштурулган бухгалтерияларына киргизилген кызмат орундарын кармоого финансылык чыгымдар "Билим берүү" бөлүмү боюнча каралган каражаттардын, ошондой эле ушул токтомдун 3-пунктуна ылайык республикалык бюджеттин трансферттеринин эсебинен кармалган жергиликтүү өз алдынча башкаруу органдарында кыскартуунун натыйжасында бошотулуучу кызмат орундарынын чегинде ишке ашырылаары.

7. Кыргыз Республикасынын Финансы министрлиги белгиленген тартипте "Кыргыз Республикасынын 2013-жылга республикалык бюджети жана 2014-2015-жылдарга болжол жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу мыйзам долбоорун киргизсин.

8. Кыргыз Республикасынын Билим берүү жана илим министрлиги:

а) 2013-жылдын 1-июлуна чейинки мөөнөттө:

- Кыргыз Республикасынын Өкмөтүнүн 2012-жылдын 20-февралындагы N 119 "Кыргыз Республикасынын Билим берүү жана илим министрлиги жөнүндө" токтому менен бекитилген Кыргыз Республикасынын Билим берүү жана илим министрлиги жөнүндө жобого өзгөртүүлөрдү жана толуктоолорду киргизүүнү караган токтом долбоорун Кыргыз Республикасынын Өкмөтүнүн бекитүүсүнө киргизсин;

- ушул токтомдун 2-пункту менен бекитилүүчү Райондук (шаардык) билим берүү бөлүмүнүн (башкармалыгынын) борбордоштурулган бухгалтерияларынын типтүү штаттарына ылайык райондук (шаардык билим берүү бөлүмдөрүнүн (башкармалыктарынын) борбордоштурулган бухгалтерияларынын штаттык саны бекитилсин:

б) 2013-жылдын 1-июнуна чейинки мөөнөттө райондук (шаардык) билим берүү бөлүмдөрүнүн (башкармалыктарынын) борбордоштурулган бухгалтерияларын комплектесин;

в) 2013-жылдын 1-июнуна чейинки мөөнөттө билим берүү уюмдарын каржылоо маселелерине райондук (шаардык) билим берүү бөлүмдөрүнүн (башкармалыктарынын) кызматкерлерин окутсун;

г) ушул токтомдон келип чыккан уюштуруучулук жана башка чараларды көрсүн.

9. Кыргыз Республикасынын эмгек мыйзамдарына ылайык бошотулган кызматкерлерди ишке орноштуруу боюнча чараларды көрүү айыл аймактарынын жергиликтүү өз алдынча башкарууларынын аткаруу органдарына жана Кыргыз Республикасынын Билим берүү жана илим министрлигине сунушталсын.

11. Бул токтомдун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.

12. Бул токтом расмий жарыяланган күндөн тартып күчүнө кирет.

"Эркин Тоо" газетасынын 2013-жылдын 4-июнунда N 46 жарыяланды

Райондук (шаардык) билим берүү бөлүмдөрүнүн (башкармалыктарынын) борбордоштурулган бухгалтерияларынын
ТИПТҮҮ ШТАТТАРЫ

Эскертүү:

1. Борбордоштурулган бухгалтериялардын кызматкерлеринин чектик штаттык саны ушул штаттык ченемдерге жараша эсептелет жана Кыргыз Республикасынын Билим берүү жана илим министрлиги тарабынан бекитилет.

Эгерде тейленүүчү уюмдарда кызматкерлердин саны белгиленген ченемдерден көп же аз болсо, анда борборлоштурулган бухгалтериялардын штаттык кызмат орундарынын саны пропорционалдуу түрдө көбөйтүлөт же азайтылат. Мында, борборлоштурулган бухгалтериянын штаттык санын эсептөө бүтүн сандын 0,25ке(1) эселүү болгон жүздүк үлүштөгү маанисине чейин тегеректөө эрежеси менен жүргүзүлөт.

1-мисал. Райондун билим берүү уюмдарында 1759 адам иштейт. Бул учурда бухгалтерлердин штаттык кызмат ордунун санын эсептөө төмөнкү түрдө жүргүзүлөт:

1759

------- = 8,795 ≈ 8,75 кызмат орду.

200

2-мисал. Шаардын билим берүү уюмдарында 868 адам иштейт. Бухгалтерия кызматкерлеринин саны:

868

----- = 4,340 ≈ 4,25 кызмат орду.

200

2. Борборлоштурулган бухгалтериянын кызматкерлеринин штаттык саны 25 кызмат ордунан ашпашы керек.

3. Тейлөөчү уюмдардын өзгөчөлүгүн эске алуу менен борбордоштурулган бухгалтериялардын кызматкерлеринин жалпы санынын чегинде кызмат орундарынын аталышы өзгөрүшү мүмкүн.

(1) 3 бирдик, 3,25 бирдик, 3,75 бирдик ж.б.у.с.

2013-жылдын шарттарында Кыргыз Республикасынын жалпы билим берүүчү уюмдарын бюджеттик каржылоо стандарттарынын шкаласы (коммуналдык чыгымдарсыз)

(сом)

Ченемдик каржылоонун механизми жайылтылбаган Кыргыз Республикасынын жалпы билим берүүчү уюмдарынын
ТИЗМЕГИ