“Шайыр тапкычтар клубу”

2019-жылдын 9-март күнү Лейлек районунун Картраң айыл аймагына караштуу “Жаңы-Турмуш” орто мектебинде К.Сабыров атындагы орто мектебинин, Ак-Терек жана Лейлек орто мектептеринин башталгыч класстарынын окуучуларынын жана ата-энелеринин катышуусу менен “Келгиле окуйбуз” долбоорунун алкагында “Шайыр тапкычтар клубу” деген темада иш чара өткөрүлдү. Ар бир мектептен 5тен окуучу, 1ден ата-эне, 8ден мугалим катышты.

 15.03.2019      1634       Кесиптик бирлик региондордо

8-март майрамы

2019-жылдын 6-мартында Майлуу-Суу шаарынын Маданият үйүнүн чоң залында салтанаттуу иш-чара өткөрүлдү. Майрамдын катышуучулары мугалимдер, апа-энелер, кыз- келиндер деги эле шаардын аял заты болду. Куттуктоо сөздө шаардын мэри, төрага жана башка жетекчилер өзүлөрүнүн каалоо-тилектерин айтышып, айрым эжелерге алкыш жарыялап, Ардак грамоталарды, баалуу белектерди беришти. Ошону менен бирге мектеп окуучулар тарабынан даярдалган концерттик программаны тартуулашты. Бала-бакчалардын, мектептердин кызматкерлери тарабынан даярдалган көрсөтмөмөлөр коюлуп, алардын чыгармачылык таланттары бийик бааланды. Өз колдору менен жасаган кооз гүлдөрдү залдагы энелерге, эжекелерге жана кыз-келиндерге тартуулашты. Залда отурган аялдардын маанайы көтөрүлүп, ыраазычылыгын билдиришти.

 15.03.2019      784       Кесиптик бирлик региондордо

Ноокенде областтык окуу семинары болуп өттү

2019-жыл Региондорду өнүктүрүү жана өлкөнү санариптештирүү жылынын алкагында тармактын профсоюз комитеттеринин социалдык ишмердүүлүктөрүнүн натыйжалуулугун жогорулатуу жана өркүндөтүү, билим берүү жана илим кызматкерлерин жана жаштарды социалдык жактан колдоо жана эмгек укуктарын коргоодо тармактык профсоюздун уставдык максаттарынын жана милдеттеринин ишке ашырылышы, жер-жерлерде профсоюздун ролун, ишмердүүлүктөрүн, кадыр-баркын инновациялык жана маалыматтык ыкмаларды өнүктүрүү аркылуу күчөтүү боюнча Борбордук Комитет тарабынан токтомдор кабыл алынып, иш чаралар бекитилген. Анын алкагында 12-март күнү Жалал-Абад облусундагы Ноокен районуна караштуу № 16 Турусбеков атындагы орто мектебинде окуу семинары болуп өттү.

 14.03.2019      664       Кесиптик бирлик региондордо

Жакшы эс алуу - ийгиликке өбөлгө

Билим берүү жана илим кызматкерлеринин профсоюзунун Ноокен райондук комитети мугалимдердин ден-соолугун чыңдоого, бекемдөөгө жана эс алуусуна өзгөчө көңүл бурууда. Райондук комитет “Кочкор-Ата” санаториясы менен келишим түзүп, жыл бою райондогу билим берүү мекемелеринде иштеген агартуу кызматкерлерин кезеги менен эс алдырып келүүдө. 2018-2019-окуу жылында да санатория менен жаңы келишим түзүлүп, анын негизинде жыл ичинде 33 билим берүү кызматкери ден-соолугун чыңдоого жана бекемдөөгө мүмкүнчүлүк алышат.

 14.03.2019      642       Кесиптик бирлик региондордо

Семинар

Билим берүү жана илим кызматкерлеринин профсоюзунун Жалал-Абад облустук комитети тарабынан 2019-жылдын 12-мартында Ноокен районунун №16 Ж.Турусбеков атындагы орто мектебинин базасында “2019-жыл-Региондорду өнүктүрүү жана санариптештирүү жылында” окуу семинары болуп өтту. Семинарга Токтогул профсоюз комитетинин төрагасы Т.Исраилов,казначей, укук жана эмгекти коргоо инспектору болуп жигердуу катышып келдик. Семинар катышуучулары 3 тайпага бөлүнүп иштеп 1-тайпа менен обкомдун торагасы А. Исмаилов, обкомдун уюштуруу болумунун башчысы А.Бегматов, 2- тайпа менен обкомдун инспектору А.Айдаров, 3-тайпа менен финансы бөлүмүнүн башчысы З. Сулайманов окуу материалдары слайддар менен коргозуп откоруп беришишти.

 14.03.2019      694       Кесиптик бирлик региондордо

Сулуу деген сөздү сулуу кылган сулуу кыздар

8-март аял затынын Эл аралык майрамын утурлай Бишкек гуманитардык университетинин профсоюздук комитетинин колдоосунун астында окуу жайда “БГУ СУЛУУСУ-2019” - аттуу студенттер ортосунда кароо сынак уюштурулду. Сынакка жалпысынан 9 студент катышып, коюлган талаптарга ылайык ар бири өздөрүн таланттарын көрсөтүштү. Бул сынактын негизги максаты болуп, кыздардын тазалыгын, назиктигин, аруулугун, таланттуулугун даңазалап, жалпы эле аял затынын улуулугун көрсөтүп ачып берүү негизги өзөгүн түздү. Калыстар тобунун калыс чечиминин негизинде жеңүүчүлөр аныкталып, дипломдор жана профсоюздук комитетинин акчалай сыйлыктарына ээ болушту.

 14.03.2019      1104       Маалыматтык бюллетень

Спорт-ден соолук жана сулуулук

Таш-Көмүр шаарынын билим берүү бөлумүнө караштуу БЧҮнүн тарбиялануучулары шаардык профсоюз комитетинин демөөрчүлүгү менен кол күрөштүн Эл ара лык даражадагы калысы,кол күрөш боюнча Жалал-Абад облусунун башкы машыктыруучусу,Балдар чыгармачылык үйүнүн машыктыруучусу Каныбек Эсенгелдиевдин жетекчилиги астында 50 катышуучу 20 категория боюнча областыбызда өткөн кол күрөш мелдешине катышышып,18 категория боюнча ийгиликке жетишишип 1-орунду алып кайтышты.Жалпы 7 алтын,6 күмүш,4 коло медаль капчыгына салып кайтышты.Дүйнө чемпиону Аскат уулу Өткүр №14 инновациялык-гимназия мектебинин окуучусу үч салмакта 1-орунду,Юнусова Шахзода №12 Пушкин атындагы орто мектебинин 10-классынын окуучусу кыз-келиндер арасында 1 -орун,Кошалиев Билал №11 орто мектебинин 8-классынын окуучусу 45 кг салмакта 1-орундарды багындырышты.

 14.03.2019      708       Кесиптик бирлик региондордо

Айымдардын Эл аралык майрамы белгиленди

Айымдардын Эл аралык майрамы жылда белгиленүүчү майрам, бул күнү бардык мектептерде, бала бакчаларда энелерге, аялзатына арналган ачык сабактар,адабий кечелер өткөрүлдү. Ошондой эле шаарыбыздын маданият үйүндө энелерге арналган майрамдык кече болуп, алдыңкы айымдарга белектер берилди. Ал эми бала бакчаларда балдардын колунан жасалган атайын открыткалар берилди.

 14.03.2019      693       Кесиптик бирлик региондордо

8-март айымдардын Эл аралык майрамы менен куттуктоо

Бишкек гуманитардык университетинин мырзаларынын уюштуруусунун негизинде 7- март күнү окуу жайда эмгектенип жаткан жалпы айымдарды кутуктоо салтанаты өткөрүлдү. Иш чаранын жүрүшүндө айымдарга атайын даярдалган белектер таратылды. Ошондой эле мырзалар тарабынан жакшы маанай тартуулоо максатында концерттик программа уюштурулду.

 14.03.2019      1382       Маалыматтык бюллетень

8-март –Асыл зат айымдардын майрамы!

ЖАМУнун бардык структуралык бөлүмдөрүндө баштапкы профсоюз уюмдарынын катышуусу менен “8-март- Аялдардын Эл аралык тилектештик күнү”- майрамына карата иш чаралар уюштурулуп, кызыктуу программадагы концерттер тартууланып, белектер менен гүл дестелер тапшырылды. Ал эми 7-март күнү Жалал-Абад колледжинин,Табигый техникалык факультеттин кызматкерлери сабакка келген айымдарды гүлдестелер менен тосуп алышып, майрамдык маанайда иш күнүн баштоого шарт түзүштү.Университеттин жалпы жамааты үчүн чоң жыйындар залында салтанаттуу иш чара өткөрүлүп ,майрамдык шаңга бөлөнгөн айымдар уюштуруучуларга ыраазы болуп кайтышты

 14.03.2019      690       Кесиптик бирлик региондордо

Асмандан жарык көрсөң кыргыз деп бил,ак калпак кийгендерди кыргыз деп бил

Жылдагыдан шаңдуу,кыргыз күүлөрү тоо жаңыртып,улан-кызга патриоттук сезимиңди оргуштаткан керемет чакырыктар менен коштолуп Таш-Көмүр шаарынын маданият үйүнүн алдындагы негизги аянтчага жетекчилер баш болуп койкойгон ак калпак кийишип көчө аралай эки тарап бетме-бет келип токтошту.Шаарыбыздын мектептеринин тарых мугалимдери жана кыргыз тили мугалимдери ак калпак таржымалын баяндап беришти.Шаарыбыздын тургундарын,конокторун “Ак калпак күнү”менен шаарыбыздын мэри,жергиликтүү кеңештин төрагасы баштаган инсандар куттуктоолорду айтышып,маареке жалпы флешмоб менен жыйынтыкталды.

 14.03.2019      746       Кесиптик бирлик региондордо