Социалдык өнөктөштүк багытында жүргүзүлүп жаткан иштер

«Билим берүү  жөнүндөгү»  мыйзамынын 32-беренеси  жана   «Мугалимдин  статусу  жөнүндөгү»  мыйзамынын 8-10-11-беренелерине ылайык билим берүү  кызматкерлеринин  социалдык-экономикалык  маселелерин  чечилиши боюнча мектеп администрациясы, баштапкы кесиптик уюмдары жана жергиликтүү  өзүн-өзү  башкаруу  органдарынын ортосунда Үч тараптуу макулдашуулар түзүлгөн.               

Макулдашууда  негизги  маселелердин  бири  билим  берүү  тармагында  эмгектенүү  шарттарын   жакшыртуу, окуу-тарбия   иштерин  жакшыртууга   ыңгайлуу  шарттарды  түзүү,  окуу-материалдык  базаны  чыңдоо  болуп  саналат. 

Анын негизинде Ноокен районундагы Достук айыл өкмөтү тарабынан билим берүү кызматкерлери үчүн бир топ иштер жасалды.  

Атап айтсак, 2 мугалимге турак жай куруу үчүн жер участкасы берилип, дагы эки жаш адиске жөлөк пул төлөнүп берилди. 15 мектеп жана бала бакча кызматкерлерине кайра бөлүштүрүү фондунан 9 гектар жер иштетүү үчүн бөлүп берилген.

№21 Фуркат,  №26 Т.Анаркулов атындагы орто мектептеринин жылытуу системасы толук ремонттон өткөрүлдү.

№18 “Чабалекей”, №25 “Бакыт” балдар бакчасынын имараты  капиталдык ремонттон өткөрүлүп, мебелдер алынып берилди.

Андан сырткары № 26 Т.Анаркулов атындагы орто мектебинин жанында жаш өспүрүмдөр үчүн күрөш залы, балдар үчүн аянтча жана кичи-футбол аянтчасы,  № 40 Токтогул атындагы орто мектебине кичи-футбол аянтчасы курулуп, пайдаланууга берилди.

Достук айыл өкмөтү тарабынан 7 422 138 сом каражат бөлүнүп, 19 987 216 сом инвестиция  тартылган.

Достук айыл өкмөтү 2018-жыл Региондорду өнүктүрүү жылына карата "Эң мыкты айыл өкмөтү" наамына жалпы мамлекеттик сынактын жеңүүчүсү болуп саналат.

Ноокен райКБКнын төрагасы

 К.Нышанов