ТӨРАГА - ПРИМКУЛОВ МУСАБАЙ МАМАТОВИЧ  

ПРИМКУЛОВ МУСАБАЙ МАМАТОВИЧ  

Кыргыз Республикасынын Билим жана илим кызматкерлеринин кесиптик бирлигинин Борбордук комитетинин төрагасы

 Примкулов Мусабай Маматович 1964-жылы 8-августта Сузак районунун Барпы айылында туулган.

1981-жылы Н. К. Крупская (азыркы Т. Темирбаев) орто мектебин бүтүргөн. Андан кийин Барпы колхозунда эмгектенген. 

1982-жылы СССРдин 50 жылдыгы атындагы Кыргыз мамлекеттик университетинин механика-математика  факультетинде окуп билим алган. 1983-1985-жылдары Советтик Армиянын катарында кызмат өтөгөн. Университетти аяктагандан кийин 30 жылга жакын элге билим берүү тармагында эмгектенген.

1991-жылдан 2010-жылга чейин Сузак районундагы Т. Темирбаев атындагы орто мектепте математика мугалим болуп иштеген. 2010-2019-жылдары ушул эле райондун “Ынтымак” орто мектебинин директору болуп эмгектенген. 2020-жылы Жалал-Абад шаарындагы Бабкин атындагы №1 мектеп-гимназиясында мамематика мугалими болгон. Ушул жылдын ноябрь айынан тартып 2024-жылга чейин Сузак райондук кесиптик бирликтин төрагасы болуп эмгектенген.

2024-жылдын февралынан тартып КР Билим жана илим кызматкерлеринин Борбордук комитетинин төрагасы болуп шайланганга чейин кесиптику бирлдиктин Жалал-Абад областтык комитетинин төрагасы болуп турган.

Үй-бүлөөлүү.