Эмгекти коргоо айлыгы жыйынтыкталды

Кыргыз Республикасынын билим жана илим кызматкерлеринин кесиптик бирлигинин борбордук комитетинин 2024-жылдын 29-апрелиндеги президиумунун N4/1 токтому менен 28-апрелден 28-майга чейин Эмгекти коргоо боюнча бир айлык жарыяланган.

Анын негизинде Ноокен райондук кесиптик бирлиги жана баштапкы кесиптик уюмдары тарабынан бир нече иш-чаралар уюштурулуп өткөрүлдү.

Атап айтсак, флешмобдор, ардагер мугалимдерден кабар алуулар, тегерек стол, жыйналыштар, спорттук иш-чаралар жана кызматкерлердин коопсуздукту сактоо боюнча билимин жогорулатуу максатында райондук ӨКБ кызматкерлери менен жолугушуулар уюштурулду.

Белгилей кетсек, ушул айлыктын алкагында атайын конкурс жарыяланган,  иш-чараларды мыкты денгээлде өткөргөн баштапкы кесиптик уюмдары Ноокен райондук кесиптик бирлигинин жыйынтыктоочу иш-чарасында сыйланышат.

Маалыматты даярдаган: Т.Бакиров, кесиптик бирликтин Ноокен райондук комитетинин инспектору