«Жылдын мыкты мугалимим-2019» кароо-сынагы Кара-Суу районунда жыйынтыкталды
Кара-Суу районунун мектептериндеги эмгектенип жаткан мугалимдердин арасынан эӊ мыкты, таланттуу чыгармачылык менен иштеген мугалимдерди табуу жана алардын чыгармачылык мүмкүнчүлүктөрүн ачуу максатында Кара-Суу райондук билим берүү бөлүмүнүн 2019-жылдын 11-февралынданы №13-2 буйругунун негизинде 2019-жылдын 5-6-апрель күндөрү «Жылдын мыкты мугалими -2019» кароо-сынагынын райондук этабы болуп өттү. Кароо-сынакка аймактардан жеӊүүчү болгон 18 алдыӊы чыгармачыл мугалимдер райондук этапка катышышты. 5-апрель күнү канкурсанттар сабактарын өтүштү, сабактарынан жогорку балл алган 11 канкурсант 6-апрель күнү экинчи турда катышышып кароо-сынакты улантышты. Жыйынтыгында 1 орунга №118 Д.Султанов атындагы негизги мектебинин кыргыз тили мугалими Машрапова Айнура , 2-орунду №33 Ш Интернационал орто мектебинин англис тили мугалими Нурланбек уулу Кубаныч, 3-орунду №30 Кызыл-Сарай орто мектебинин башталгыч класс мугалими Досуева Нартажи ээлешти.
Кароо-сынакта 1-орунду ээлеген №118 Д.Султанов атындагы негизги мектебинин кыргыз тили мугалими Машрапова Айнура Кара-Суу райондук жергиликтүү мамлекеттик администрациясынын алдында уюштурулган “Матраимов Исмайыл ата” фондунун эсебинен 30 000 миң сом акчалай сертификаты Кара-Суу райондук жергиликтүү мамлекеттик администрациясынын башчысынын орун басары Жороева Мехринса Өсөровна тапшырды.
Кара-Суу райондук билим берүү бөлүмүнүн башчысы Машрапова Гүлай Эгемназаровна кароо-сынактын катышуучуларын куттуктап 1 орунду ээлеген Машрапова областтык этапка ийгиликтерди каалоо менен баалуу белектер жана Ардак грамота менен сыйлады.
Ал эми 2-орунга Билим берүү жана илим кызматкерлеринин райондук кесиптик бирлигинин комитети тарабынан муздаткычы, 3-орунга кир жуучу машина,
3-орунга электр плитасы жана 14 активдүү катышкан канкурсанттарга баалуу белектерди Кара-Суу райондук билим берүү жана илим кызматкерлеринин кесиптик бирлигинин комитетинин төрагасы Жакыпов Памирбек тапшырды.
Материалды даярдаган:
Жакыпов Памирбек