Жети-Өгүз районундагы баштапкы профсоюз уюмдарынын арасында өткөрүлгөн Республикалык кароо-сынагынын жыйынтыгы чыгарылды.

       “Тармактагы адептүүлүктү жана укуктук маданиятты жогорулатуу боюнча иштерди мыкты уюштургандык” республикалык тармактык кароо-сынак КР билим берүү жана илим кызматкерлеринин профсоюзунун Борбордук Комитети  тарабынан жарыяланган 2017-жыл – тармактагы адептүүлүк жана укуктук маданият жылынын алкагында профсоюз уюмдарынын арасында өткөрүлүп келди.

        Сынактын жобосу   2017-жылдын  март айындагы  райондук профсоюз комитетинин  президиумунда  каралып  баардык баштапкы профсоюз уюмдарына таратылып берилген. Кароо-сынактын  райондук  жыйынтыгы  27-ноябрда райондук профсоюз комитетинин  кароо-сынакты уюштуруп-өткөрүү комиссиясы тарабынан   “Республикалык­­­ 2017-жыл – тармактагы адептүүлүк жана укуктук маданият жылынын” райондук  этабынын  жыйынтыгы  чыгарылып    биринчи орунга Ы.Соорогбаев а.о.м баштапкы     профсоюз уюму   ( профкому  Дуйшеева Венера Кадырбековна) , экинчи орунга Ж.Тынаев а.о.м  баштапкы     профсоюз уюму   (профкому  Асанкожоева Гүлмира Усенбековна), үчүнчү орунга  Б. Исмаилов а.о.м баштапкы     профсоюз уюму ( профкому Дилдеев Темиркул Аманатович )  татыктуу болушту. Жеңүүчү  деп табылган  баштапкы профсоюз уюмдарына  Райондук профсоюз комитети  тарабынан  «Ардак Грамота»  жана баалуу белектер тапшырылды.

       Биринчи орунга татыктуу болгон   Ы.Соорогбаев а.о.м баштапкы     профсоюз уюмунун    ( профкому  Дуйшеева Венера Кадырбековна) иш-кагаздары   кароо-сынактын Республикалык  этабына  катышуусуна карата   райондук профсоюз комитетинин президиуму   чечим кабыл алды.

Жети-Өгүз райондук профсоюз                                                                                                         

 комитетинин төрагасы:                                        Ө Молдокматов