"Устаты үлгү болуптур, шакирти андан озуптур"

2023-жылдын 18-апрелинде Аксы районундагы Н.Мамбетов атындагы жалпы орто мектебинде "Устаты үлгү болуптур, шакирти андан озуптур" аталышындагы  райондук деңгээлде мугалимдер арасында кароо-сынак өткөрүлдү.

Сынактын максаты мектептеги усулдук иштерди жандандыруу жана  устат-шакирт байланышын чыңдоо болуп саналат.

Иш чарага райондук билим берүү борборунун жетекчиси О.Нурманбетов, кесиптик бирлик комитетинин кызматкерлери жана  райондун мектеп жетекчилери күбө болушту.

Сынакка 5 мугалим жана 5 окуучу таланттарын көрсөтүшүп, жеңүүчүлөргө Аксы районунун кесиптик бирлик комитети тарабынан ардак грамота жана баалуу белектер тапшырылды.

Маалыматты даярдаган: Кесип бирликтин Аксы райондук комитетинин төрайымы Н.Тотоева