Эс алдыруулар уланууда

Өзгөн райондук билим жана илим кызматкерлеринин кесиптик бирлик комитети тарабынан салтка айланган кароо-сынактардын жеңүүчүлөрүн эс алдыруу улантылууда.

Райондук «Жылдын мыкты айылдык мектеби - 2021» кароо-сынагында I-орунду ээлеген П.Жолдошов атындагы орто мектебинен - 3 мугалимге, «Жылдык мыкты инновациялык мектеби - 2021» кароо-сынагынын райондук турунда I-орунга жетишкен К.Раимбеков атындагы мектеп-гимназиясынан - 3 мугалимге 6 күндөн «Ысык-Көл» эс алуу жайына акысыз жолдомолор берилип, эс алдырылды.

Ал эми «Жылдын мыкты айылдык бала бакчасы - 2021» кароо-сынагынын райондук турунда I-орунга жетишкен М.Оморбекова атындагы балдар бакчасынан – 3 кызматкер, райондогу  чыгармачылык менен эмгектенген алдыңкы мектептердин бири  Т.Ташмаматов атындагы орто мектебинен - 3 мугалим «Ала-Тоо» эс алуу жайына   акысыз 6 күндөн эс алышты жана ден соолуктарын чыңдап келишти.

Маалыматты даярдаган: Өзгөн райондук кесиптик бирлик комитети