Баткен областында “Мыкты жамааттык келишим жана мыкты үч тараптуу макулдашуу” кароо-сынагынын областтык туру өткөрүлдү

Кыргыз Республикасынын Билим жана илим кызматкерлеринин профсоюзунун Борбордук комитети тарабынан жарыяланган республикалык “Мыкты жамааттык келишим жана мыкты үч тараптуу макулдашуу” деген темадагы кароо-сынактын жобосунун негизинде, Баткен областынын район, шаардык профсоюз комитеттеринин жана  билим берүү мекемелеринин баштапкы профсоюз уюмдарынын арасында “Мыкты жамааттык келишим жана мыкты үч тараптуу макулдашуу” областтык кароо-сынагы өткөрүлүп жыйынтыгы чыгарылды.

Ага ылайык Райондук, шаардык профсоюз комитеттеринин  арасында “Мыкты жамааттык келишим жана мыкты үч тараптуу макулдашуу” областтык кароо-сынагынын жеңүүчүсү болуп Билим жана илим кызматкерлеринин профсоюзунун Баткен шаардык комитети табылды (төрайымы М.Калыкова). Ал эми Билим берүү мекемелеринин баштапкы профсоюз комитеттеринин арасындагы  кароо-сынакта Баткен районундагы М.Салихов атындагы орто мектебинин баштапкы профсоюз комитети (төрайымы Ж.Жороева) жеңүүчү болду.

Кароо-сынактын областтык турунун жеңүүчүлөрү 2021-жылдын жыл жыйынтыгын чыгарган президиумунда областтык комитеттин дипломдору жана баалуу белектери менен сыйланышат.

Маалыматты даярдаган: Баткен областтык КБКнын уюштуруу иштери боюнча адиси Гапарали уулу Мансур