Отчеттук кайра шайлоо болуп өттү
Бүгүн, Кызыл-Кыя шаарынын А.Пушкин атындагы №4 орто мектебинин залында, билим жана илим кызматкерлеринин кесиптик бирлигинин Кызыл-Кыя шаардык отчеттук кайра шайлоо конференциясы болуп өттү. Күн тартибинде беш маселе каралды. Эӊ негизги маселе бул: билим жана илим кызматкерлеринин кесиптик бирлигинин Кызыл-Кыя шаардык комитетинин 2014-2019 жылдарда аткарган иштерине отчет берилди, ошондой эле текшерүү комиссиянын беш жылдык иши каралып, конференциянын делегаттары бир добуштан канаттандыраарлык деп баа коюшту. Шаардык комитетине жаӊыдан, жаш профсоюз лидерлерин, мектеп директорлорун, шаардык билим берүү бөлүмүнүн башчысын жана баштапкы профсоюз комитетинин төрайымдарын шайлап, конференциянын делегаттары алардын ишине ийгилик каалап кетишти.
03.10.2019 515 Кесиптик бирлик региондордоОш мамлекеттик университетинин профсоюз комитетинен маалымат
"Карысы бардын – ырысы бар" демекчи, бүгүнкү күндө “Даңк” ордендүү, куттуу окуу жайыбыз болгон ОшМУда иштеп жаткан жана ардактуу эс алуудагы 360 тан ашуун ардагерибиз бар. 1-октябрь Улгайгандардын эл аралык күнүнө карата Ош мамлекеттик университетинин 200гө жакын мугалимдерине Ош МУнун ректораты жана профсоюз комитети тарабынан жыл сайын салтка айланып өткөрүлгөн сый тамак жана концерттик программа уюштурулду. ОшМУнун ректорунун милдетин аткаруучу, доцент Кожобеков Кудайберди Гапаралиевич жана Ош МУнун бириккен профсоюз комитетинин төрагасы, доцент Аккулов Абдыжапар Ураимович ардагер агай-эжекелерди куттуктап сөз сүйлөштү. Кечеге чакырылгандарга профсоюз комитети тарабынан жалпысынан 185 000 сом миң сом өлчөмүндө акчалай жардам көрсөтүлдү. Кутман карыларыбыздын атынан чыгып сүйлөшкөн профессорлор А.Анарбаев, Б.Арапов, Б.Каримова, К.Матикеев, К.Нурдиновалар кечени мыкты деңгээлде уюштургандыгы үчүн университеттин жетекчилигине, профсоюз комитетинин, ошондой эле, административдик-чарба департаментинин, Студенттик Акыйкатчы аппаратынын, Таланттар академиясынын чыгармачыл кыз-жигиттерине, "Жетиген" ресторанынын кызматкерлерине ыраазычылык билдиришти.
03.10.2019 504 Кесиптик бирлик региондордо1-октябрь эл аралык карылар күнү Таш-Көмүр шаарында белгиленди
Карылар күнү 1990-жылы БУУнун Баш катчылыгы расмий майрамдардын катарына киргизгенден бери улгайган адамдарды колдоп,алар муктаж болгон нерселерди чечүүгө көмөктөшүү,карыялардын коомчулукка керек экендигин түшүндүрүү аркылуу аларга колдоо көрсөтүү жагы колго алынып келе жатат.Азыркы учурда жаштар жана улуу муундун өкүлдөрү улгайган адамдарга өзгөчө урмат-сый көрсөтүп, жылуу сөздөрүн арнап ден-соолук тилеп келишет.Таш-Көмур шаарынын билим берүү мекемелеринде өмүрун билим берүү тармагына арнап,азыркы учурда ардактуу эс алууда жүрушкөн мугалимдерди чакырышып,куттукташып,чакан концерттерди уюштурушуп сый тамактарын арнашты.
02.10.2019 618 Кесиптик бирлик региондордоЖети-Ɵгүз районундагы Нарын облусунун профсоюз комитеттеринин төрага-төрайымдарынын тажыйырба алмашуу семинары
Кыргыз Республикасынын Билим берүү жана илим кызматкерлеринин Борбордук профсоюз комитетинин «Уюштуруу иштерин бекемдөө-профсоюздун ишмердүүлүгүнүн натыйжалуулугун көтөрүү» боюнча Тоӊ районунда ѳткѳрүлгѳн Пленумунун чечиминин негизинде 2019-жылдын 27-сентябрында Жети-Ɵгүз районунда тажрыйба алмашуу семинары ѳткѳрүлдү. Семинарга Нарын областтык профсоюздар кеңешинин тѳрагасы Муканбет Курманкожоев, Кочкор райондук билим берүү жана илим кызматкерлеринин профсоюз комитетинин тѳрагасы Абайдылда Темиров, Нарын шаардык билим берүү жана илим кызматкерлеринин профсоюз комитетинин тѳрагасы Токтогон Качкымбаев, Жумгал райондук билим берүү жана илим кызматкерлеринин профсоюз комитетинин тѳрайымы Бегимкан Жамантаева, Ат-Башы райондук билим берүү жана илим кызматкерлеринин профсоюз комитетинин тѳрагасы Келдибек Керималиев жана Нарын облусунун ар бир райондон жалпы билим берүүчү мектептердин жана мектепке чейинки билим берүү уюмдарынын профкомдору, ошондой эле Жети-Ɵгүз районунун баштапкы профсоюз комитеттеринин профкомдору катышты.
02.10.2019 759 Кесиптик бирлик региондордоЖаш профсоюз лидерлери - татыктуу эмгек, татыктуу жашоо үчүн!!!
2019-жылдын 26-сентябрь күнү Баткен шаарынын Балдар чыгармачылык борборунда Баткен областынын баштапкы профсоюз комитеттеринин жаш төрагалары жана райондук, шаардык профсоюз комитеттеринин жаштар кеңештери үчүн “Жаш профсоюз лидерлери - татыктуу эмгек, татыктуу жашоо үчүн !!!” деген темада областтык семинары болуп өттү. Иш чаранын максаты райондук, шаардык профсоюз комитеттеринин алдындагы жаштар кеңештеринин жана баштапкы профсоюз комитеттеринин жаш төрагаларынын укуктук билимдерин жогорулатуу болду.
27.09.2019 527 Кесиптик бирлик региондордоЖаштар кеӊешинин төрагаларына жаңы тажрыйбалар
Билим жана илим кызматкерлеринин профсоюзунун Баткен областтык комитетинин уюштуруу, укук иштери боюнча адиси жана областтык жаштар кенешинин төрагасы К.Акимов 2019-жылдын 23-августунан 26-августуна чейин Ысык-көл областынын Бостери айылындагы “Талисман-Вилаж” эс алуу жайында Борбордук комитет жана Центр солидарности уюму менен биргеликте уюштурулган “Мен татыктуу эмгек үчүн” аталышындагы жаш лидерлердин жайкы мектебиндеги тажрыйбаларды жер жерлерде жайылтуу жана улантуу максатында 2019-жылдын 26-сентябрь күнү Баткен шаарында Билим жана илим кызматкерлеринин профсоюзунун Баткен областтык комитети жана областтык комитеттин алдындагы жаштар кенеши тарабынан «Жаш профсоюз лидерлери-татыктуу эмгек, татыктуу жашоо үчүн” деген темада райондук, шаардык профсоюз комитеттеринин алдындагы жаштар кенештеринин төрагаларына жана жаныдан шайланган жаш баштапкы профсоюз комитеттеринин төрагаларына семинар өткөрүлдү.
27.09.2019 610 Кесиптик бирлик региондордоОшто жаштардын достук мелдеши өтүүдө...
Бүгүн Ош гуманитардык-педагогикалык институтунда Ош шаарындагы ЖОЖдордун жана АОЖдордун жаштар комитеттеринин ортосунда спорттун футбол, волейбол, стол теннис түрлөрү боюнча мелдеши болуп өттү. Аталган иш чара окуу жайлардын ортосундагы биримдикти бекемдөө менен, ынтымак, достукту чыңдоо үчүн Ош шаардык Мэриясынын жаштар комитетинин демилгеси менен окуу жылы башталгандан тарта ишке ашып келе жатат. Эң алгач ОшТУда, андан соң ОшКУУда эстафета катарында болуп өткөн. Ага да институттун студенттери барып катышып, байгелүү орундарга ээ болушкан. Бул жолку оюн ОГПИде жалпы жаштардын башын бириктирип, жагымдуу маанайда коштолуп, жогорку деңгээлде улантылып жатат. Ар бир окуу жайдан түзүлгөн атайын командалар өзгөчө даярдык менен келип, атааңдаштарга ат салдырбайбыз деген күчтүү дем жана ортодогу достукту сактоо менен жигердүү катышышты. Бул саамалык учурдагы жаштардын спортко кызыкдар экенин далилдеп, дагы-да болсо алардан келечектин жаркын жашоосун күтүүгө боло турганын айгинелешти.
27.09.2019 509 Кесиптик бирлик региондордо«Кыргыз тилим менин дилим»
2019-жылдын 21-сентябрь күнү Кадамжай районундагы Халмион маданият сарайында тил майрамына карата кароо сынак болуп өттү. Иш чарага Билим берүү бөлүмүнүн методисттери, Кадамжай райондук комитетинин төрагасы А.Момошов, тарбиячылар, ата-энелер жана 9 бала бакча толугу менен катышып, жогорку денгээлде өткөрүлдү. Иш чаранын максаты жаш өспүрүмдөрдү эне тилин, кыргыз тилин сүйүүгө чакыруу. Жаш өспүрүмдөр ырдашып, бийлешип келген меймандарга жагымдуу маанай тартуулашты.
27.09.2019 1076 Кесиптик бирлик региондордоОГПИде Мамлекеттик тил күнү белгиленди
23-сентябрь Ош гуманитардык-педагогикалык институтунда кыргыз тилинин “Мамлекеттик тил” макамын алгандыгынын 30 жылдыгына арналган, "Эл дөөлөтү – эне тил" деген аталыштагы чоң майрамдык салтанат болуп өттү. Иш чара мамлекеттик тил күнүнө карата окуу жайда жарыяланган атайын бир айлыктын алкагында, Кыргыз-Россия факультетинин “Кыргыз тили жана адабияты” кафедрасы тарабынан уюштурулду.
25.09.2019 1156 Кесиптик бирлик региондордоКыргыз тилинин мамлекеттик макамын алганына, 30 жылдыгына карата майрамдык маанайлар
23-сентябрь Кыргыз Республикасынын Мамлекеттик тил күнү.Мындан туура 30 жыл мурун,тактап айтканда,1989-жылы 23-сентябрда Кырыгыз ССРинин Жогорку Совети “Кыргыз ССРинин мамлекеттик тили жөнүндө” мыйзамын кабыл алып,андан соң кыргыз тилине Мамлекеттик тил макамын берген.Мына,ошол күндөн тарта 23-сентябрь-кыргыз тил майрамы катары белгиленип келет.Бул күнү жылда билим берүү мекемелеринде ар кандай сынактар,шаардык семинарлар,концерттик программалар,кол-өнөрчүлүк боюнча көргөзмөлөр уюштурулуп келет.Быйыл дагы шаардык деңгээлде ар улуттун өкүлдөрүнүн аткаруусунда кыргыз ырлары жаңырып,мектептерде,бала бакчаларда тил майрамына арналган салтанаттар болуп өттү.
25.09.2019 564 Кесиптик бирлик региондордоУлуттун байлыгы-эне тили
20-сентябрь күнү Кочкор районунда «Кыргыз Республикасынын мамлекеттик тил жѳнүндѳ» Мыйзамынын кабыл алынгандыгынын 30 жылдыгына карата К.Темиров атындагы орто мектебинин жыйындар залында «Улуттун байлыгы-эне тили» аттуу конференция ѳткѳрүлдү. Конференцияга райондогу мектептерде эмгектенип жатышкан кыргыз тили мугалимдери жана окуучулар катышып, конференциянян ачылышы жана жабылышы Кыргыз тил Гимни менен коштолду.
24.09.2019 534 Кесиптик бирлик региондордо