Профсоюз мүчөлөрүнүн балдарына жардам берилди

Билим берүү кызматкерлеринин кесиптик бирлигинин Базар-Коргон райондук комитети кесиптик бирликтин мүчөсүнүнө материалдык жардам көрсөттү.

Иш-чара Базар-Коргон районундагы №23 А.Эралиев орто мектебинде өткөрүлүп, ага райкомдун төрагасы С.Жаркынбаев, райондук комитеттин адиси К.Асыранкулов жана ушул мектептин баштапкы кесиптик бирлик уюмунун төрайымы Ж.Карабаева, мугалим Г.Тойгонбаева катышты.

№23 А.Эралиев орто мектебинин мугалими Г.Тойгонбаева кызын А.Молдалиеваны операциядан кийин дарылантуу үчүн жардамга муктаж болуп, билим берүү  кызматкерлеринин кесиптик бирлигинин Базар-Коргон райондук комитетине кайрылган. Райкомдун төрагасы С.Жаркынбаев А.Молдалиевага ден-соолук каалап, кесиптик бирлик комитетинин атынан дарылануусу үчүн акчалай жардам көрсөттү.

№23 А.Эралиев орто мектебинин мугалими Г.Тойгонбаева көрсөтүлгөн жардам үчүн кесиптик бирликтин райондук комитетине ыраазычылыгын билдирип, иштерине ийгилик  каалады.

Маалыматты даярдаган: Базар-Коргон райондук КБКнын адиси К.Асыранкулов