Бакай-Ата райондук комитетинде кезексиз пленум өткөрүлдү
Билим берүү жана илим кызматкерлер профсоюзунун Бакай-Ата райондук комитетинин кезексиз Пленуму 29-ноябрь 2019-жылы саат 10.00 дө Бакай-Ата райондук мамлекеттик администрациянын кичи залында өткөрүлдү. Бакай-Ата райондук комитетинин Пленумунун күн тартибине эки маселе коюлуп, бекитилди.
- Райондук комитеттин мурдакы төрагасы А.Тыныбековдун иштеген мезгилдеги аткарган иштери боюнча маалыматын угуу тууралуу.
- Кесиптик бирликтин райондук комитетинин төрагасын шайлоо жөнүндо.
Күн тартибиндеги биринчи маселе боюнча профсоюздун Бакай-Ата райкомунун мурдакы төрагасы А.Тыныбеков өзү иштеген мезгилдеги аткарылган жумуштары жөнүндо маалымат берип, маалыматы суроо жооптор менен толукталып, кабыл алынды, ал эми экинчи маселе боюнча профсоюздун Бакай-Ата райкомунун төрагасын шайлоого кандидатуралар көрсөтүлүп. Пленумдун мүчөлөрү тарабынан Солпиев Н,Сулайманкулова Н. жана М. Сатыбековдор көрсөтүлүп, 3 кандидатура өздөрүнүн ойлорун айтышты, андан кийин жабык добуш менен шайлоо өткөрүлүп, 1 турда бир дагы кандидат 50% ашык добуш алалбай, натыйжада 2 турга эң көп добуш алган эки кандидат Н.Солпиев жана Н.Сулайманкуловалар чыгышты, 2-чи турда көпчүлүк добуш менен Солпиев Нурбек Кеңешбекович шайланды.
Материалды даярдаган:
Укук иштери боюнча башкы инспектор
Б.Кадыркулов