Эл агартуунун ардагери Сыдыгалиев Мамыт.
Эл агартуунун ардагери Сыдыгалиев Мамыт.
Сыдыгалиев Мамыт 1928-жылы 23-февралда Кара-буура районунун Ак-Жар айылында жарык дүйнөгө келген. Атасы Мырсалиев Сыдыгалы, апасы Сулайманова Кадича,бир туугандары: Нажимидин, Шаравидин, Абыт жана Гулбаран. Үй-бүлөдө 5 бир тууган болгон. Бир тууган агасы Сыдыгалиев Нажимидин 1939-жылы Финляндия согушуна катышып, жарадар болуп келип, Ак-Жар айылында каза болгон. 1935-жылы апасынан ажыраган. 1937-жылы атасы Сыдыгалы Магадан шаарына, 10 жылга сүргүнгө айдалган, анткени ал чоң молдо болгон. Ошентип Мамыт жаштайынан жетимдик өмүрдү баштан кечирген. Атасы төрт жарым жылдын ичинде акталып, боштондукка чыккан. 1953-жылы атасы Сыдыгалыдан ажырап, томолой жетим калган.
1941-жылы Улуу Ата Мекендик согушу башталып, ошол учурда поляк балдар менен тылда кош айдашкан, эгин бастырышкан. Бала чагы тылда иштеп жүрүп өткөн.
1949-жылы Чалдовар мектеп-интернатын аяктап, Бишкектеги Кыргыз Мамлекеттик мугалимдер институтуна тапшырып, 1951-жылы тарых мугалиминин адистигин ийгиликтүү аяктаган.
1957-жылы Кыргыз Мамлекеттик Университетине тапшырып, 1962-жылы ийгиликтүү аяктаган.
Өз эмгек жолун 1951-жылы 23 жашында баштап, Тельман атындагы жети жылдык мектепте тарых сабагынын мугалими, окуу бөлүмүнүн башчысы болуп эмгектенген. 1953-1954-жылдары Грозный орто мектебинде мугалим болуп иштеген. 1954-жылы Жоон-Дөбө орто мектебинде мугалим, окуу бөлүмүнүн башчысы болуп 1980-жылга чейин эмгектенген. 1980-жылы май айында Көк-Сай мектебине которулуп, 2 жыл мектеп мүдүрү болуп иштеген. 1982-жылы кайрадан Жоон-Дөбө орто мектебинде тарых мугалими болуп иштөө менен 1991-жылы ардактуу эс алууга чыккан. 1966-жылы КППСтин мүчөсү болгон. Өзүнүн бүт өмүрүн мектепке, окуучуларга арнаган.
Эмгек жолунда алган сыйлыктары: 1970-жылы В.И.Лениндин 100 жылдыгына карата юбилейдик төш белгиси, 1974-жылы Кыргыз ССРинин эл агартуу министрлигинин Ардак грамотасы, 1975-жылы Социалисттик мелдештин жеңүүчүсү төш белгиси, 1977-жылы 16-декабрда Кыргыз ССР Жогорку Советинин Ардак грамотасы, 1979-жылы «Элге билим берүүнүн отличниги» төш белгиси, 1984-жылы «Эмгектин ардагери» төш белгиси, 1985-жылы Киров райОНОсунун Ардак грамотасы, 1987-жылы «Улуу мугалим» наамы, 1941-1945-жылдарындагы Улуу Ата Мекендик согуштун 50 жылдыгына арналган юбилейде, юбилейдик төшүн белгиси менен сыйланган.
Аялы Сыдыгалиева Маржанбүбү менен биргеликте 7 уул, 3 кызды тарбиялашкан. Азыркы учурда Сыдыгалиев Мамыттын 37 небереси, 36 чөбүрөсү бар. Азыркы тапта 2 уулу дарыгер, 1 уулу Улуу тергөөчү жана дагы 1 уулу инженер болуп эмгектенишет. Кыздары атасынын жолун жолдоп, мугалимдик кесипте эмгектенишкен, азыркы учурда ардактуу эс алууда.
